Psa 110 | WSK | STEP | Kaem aninga Biya iwita maonam, “Ni aninga agiting sengam mu te dagi sager se ani kari nikarak kagersan mu ka siwik duap ningi nunga awurekkowo,” mam.

Psalms 110

Kaem king bo maingte aratuk bagurukko ware ko den balam, mu Kristus ko balam

(Devit ko wur bo)

1 Kaem aninga Biya iwita maonam,

“Ni aninga agiting sengam mu te dagi sager se ani kari nikarak kagersan mu ka siwik duap ningi nunga awurekkowo,” mam.

2 Aga Kari Biya, duruk Saion mu te Kaem King ko ka bitirukko. Se ni kari nikarak kagersan mu nunga nosokel menawur ale nunga bitaruko.

3 Tom ni kager ko namar mu te ka kariimet nikarak la kager ko namomonkowo.

Turom ko yu lawung sirsir awete kaposo iwitata, nika kari duruk kako mu te kete taimonkowo.

4 Kaem mu iwita den balam, “Ni Melkisedek iwita tom suen biya ko pris bagerkowo,” mam.

Nu butata balam, ale nunguningta nunguning mam, ale ko ikia udagi me gurugokkowo mam.

5 Kari Biya sokel kisokko nika kiting sengam mu te sanamiwoso.

Noko tom nu gomang maguruk ale kariimet nunga memek koma nungarukko tom mu te nu king alo nunga nosokel menawu sapurukko.

6 Nu kariimet suen la nunga memek koma nungaruk,

ale kager kuwim te kari suen la memek nungaruk se kuemonko, se ali sor suen la ko king nunga nosokel menawurokko.

7 Nu lage luan te yu gotek kapawoso mu nauk sokel tauk, ale kager te sanamuruk, ale kager komasang mu nunga kiarukko.